مناقشة ابعاد امتحان الادارة والاقتصاد

[توجيهي 2011]

هنا يتم مناقشة ابعاد امتحان الادارة والاقتصاد ولماذا تصعب الطلاب من المادة كل هذه المشاكل نطرحها هنا لكي نخرج بكلمة نرسلها لوزارة التربية والتعليم عن هذه المادة وكيفية مراعاة الطلبة في المادة واستغلالها في مصلحة الطلاب وموفقين يارب

[نورس البحر]

الاسئله صعبة وما فيها شي من الكتب من وين جايبين الاسئله ما بعرف

ع العموم الله يوفقهم يا رب

بالتقدم والنجاح

[ymym]

الامتحان كان صعب والدوائر كانو صعبين وكل وحدة عليها علامتين وكلهم شاكة فيهم يعني لازم يراعونا يعني حرام الادارة توطي معدلنا

[hamoodi89]

بسم الله الرحمن الرحيم

أنا أحمد من فلسطين عايش بالسعودية في وجهة نظري انو شعبنا في فلسطين يمر بحالة من الضغوط الشديدة النفسية والمعنوية ومن واجب الحكومة التخفيف على الطلاب من هذه الحالة والبحث في طريقة لبث روح الفرح والانبساط فيهم من باب التخفيف عنهم

للاسف اجد ان هناك صعوبة يواجهها طلاب الثانوية العامة في فلسطين ... طيب يا اخي ليش نصعب الاسئلة ؟؟ هو الطلاب ناقصين قلق نفسي ؟؟ ما الوضع أساسًا بجيب الموت والزعل والقهر .....

انتوا قلتوا كل واحد يحط رايه . أنا بدي اقول رايي وياريت يعجبكم :

في وجهة نظري أنو يتم ما يلي :
إضافة 3 درجات في المواد السهلة لكل الطلاب والطالبات
إضافة 5 درجات في المواد الصعبة لكل الطلاب والطالبات

أذكر انه هذا مجرد رأي والإختلاف في وجهات النظر لا يفسد في الود قضية

أنا قلت لمن الوزارة تعرض هالخبر والله انو الطلاب رح يفرحو واهليهم رح يفرحوا وبكدا بنكون خففنا على الشعب الفلسطيني وواعطنا روح الفرح وخففنا من الضغوط النفسية على الطلاب وعلى اهليهم

Ahmad Salah

[الإمبراطــــور]

مساء الخير للجميع

إخواني المادة صبعة بس مو بالشكل يلي انتو متخيلينها
هاي المادة انا أخدتها العام 2006/2007

طبعاً الي بيكون دارس عليها اكيد رح يحكي انها سهلة وإلي مو دارس رح يحكي انها صعبة

وإن شاء الله تعالى بتتوفقو انتو بس وكلو الله

[ahmosm]

بكفي فلسفة في الامتحانات الاسئلة نار
ارحمووووووووووووووووووووووووووووو

[3mad]

الله الامتحان صعب كثير

ومكثرين اسئلة الحل

وما في اسئلة حفظ احنا دخلنا ادبي لنهزم من الحل من العلمي

ساعدونا بالتصليح


ان شاء الله التوفيق للجميع

[طارق_91]

مرحبا للجميع..
والله يا اخوان انا ما قدمت الامتحان بس اغلب الطلاب ما مكفيهم الوقت يعني مشكلة الوقت مشكله كبيره بس .. والاسئله اذا كانو صعبات لازم على الاقل يعوضوا الطلاب بالوقت ويعني الادارة حاطينها عشان يرفعوا المعدل مش لازم يضربوا الطلاب فيها ... وان شاء الله انه يحلو مشكلة الوقت في السنوات القادمة..
وبالتوفيق لجميع طلاب التوجيهي والله يكون معاكم بالامتحانات القادمة

[ملكة الاحساس]

مساء الخير للجميع والله الامتحان صعب كتير والي قدمو السنة الفاتت كان 3وحدات محذوف وكل الاسئلة انا حليتها وسهلة كتير مو متل هاد الامتحان ما بعرف من وين جايبنو ولا سؤال من الكتاب والله حرام عليهم انا كل علاماتي كويسة مو معئول منشان هاد الامتحان تنزل علاماتي والله ظلم يراعو الظروف الي احنا فيها ما عندهم احساس بالمرة

[احلا شوق]

والله الامتحان كان صعب كتير.....لازم يراعونا...وكمان الوقت كان قليل..انا كتير صاحبات الي سحبو منهم الوراق بالغصب وهم ضايللهم اسئله كتير والمشكله انه اسئله عارفينها...وما شالله عليهم اتفننو بالاسئله..ال نصف سنويه ال....الله يسامحهم.ز بس يارب يراعونا والله يوفق الجميع